Ливиянинг собиқ раҳбари Муаммар Каддафининг ўғли Сайфулислом ўлим жазосига ҳукм қилинганидан сўнг унинг рафиқаси Надежда Боднар ушбу ҳукм фақат қоғозда қолишидан умид қилмоқда.
“У Африкада, мен эса Украинада эканлигим боис мен ҳаммасини бошқалар каби ОАВ орқали билмоқдаман. Умид қиламанки, эълон қилинган ушбу ҳукм фақат қоғозда қолади, унинг де-факто ижро этилишини истамас эдим. Улар инсонийликка қарши бормайди ва эримни ўлдирмайди деган умиддаман”, – деди Боднар хоним Латвиянинг Baltkom радиостанциясига берган интервьюсида.
Шунингдек, у Сайфулислом Каддафи билан охирги марта бир неча йил муқаддам Украинада кўришганини айтиб ўтди:
“Охирги марта мен уни Украинада бир неча йил муқаддам кўрган эдим. 2010 йили Одессада. Шундан сўнг ҳаммаси бошланди, бизнинг ўзимизда ҳам ихтилоф бошланди, биз бир неча маротаба телефон орқали суҳбатлашдик, кейин эса у ғойиб бўлди, ва шундан сўнг мен уни қидиришга ҳаракат қилмадим, чунки бу мен ва менинг фарзандларим учун хавфсиз бўлмас эди”.
Боднарнинг фикрича, Сайфулислом ўз сиёсий фаолияти давомида Ливияни дунёвий давлатга айлантиришга ҳаракат қилган.