Мексика терма жамоаси бош мураббийи Мигель Эррера истеъфога чиқарилди. Бу ҳақда Мексика футбол федерациясининг расмий сайтида маълум қилинган.

Бундай қарор қабул қилинишига Филадельфия аэропортида мураббий ўзини номуносиб тутган ҳолда журналистлардан бирига ҳужум қилгани сабаб бўлган.

Аниқлик киритилишича, мураббий Мексика терма жамоаси билан АҚШда ўтказилган КОНКАКАФ кубогидаги ғолибликдан кейин юртга қайтаётганида йўлидан чиққан журналистлардан бирига қаттиқ мушт тушириб, уни олдидан ҳайдаган.

Маълумот учун, Эррера 2013 йилнинг октябридан буён Мексика терма жамоасида бош мураббий сифатида ишлаб, 2014 йилги мундиалда жамоани чорак финалгача олиб чиққанди.