Қозоғистоннинг Олма-ота шаҳри 2022 йилги қишки олимпиадани ўтказиш орқали тахминан 3 млрд доллар фойда кўриши мумкин. Бу ҳақда «Алматы-2022» ариза комиссияси раиси ўринбосари Андрей Крюков ТАСС ахборот агентлигига маълум қилди.

Унинг сўзларига кўра, қишки Олимпиадан ўтказиш учун 1,7 млрд доллар харажат қилиш керак бўлади. Ундан кўриладиган даромад эса 4,5 млрд долларни ташкил қилиши кутилмоқда.

Эслатиб ўтамиз, XXIV қишки олимпиада ва XIII қишки паралимпия ўйинларига мезбонлик қилувчи шаҳар номи 2015 йилнинг 31 июль куни Халқаро олимпия қўмитасининг 128-сессиясида аниқланади. Куала-Лумпурда бўлиб ўтадиган йиғилишда икки номзод шаҳар – Олма-ота ва Пекиндан бири мазкур нуфузли мусобақани ўз уйида қабул қилиш имкониятини қўлга киритади.