Ўзбекистон Вазирлар Маҳкамасининг 2010 йил 29 декабридаги “2011-2015 йилларда маданият ва истироҳат боғлари моддий-техник базасини мустаҳкамлаш ва уларнинг фаолиятини янада такомиллаштириш бўйича чора-тадбирлар дастурини тасдиқлаш тўғрисида”ги қарорига биноан 2015 йил охирига қадар 77та янги боғлар яратилади, 148 боғдан 105тасида реконструкция, 29тасида капитал ва 14тасида жорий таъмирлаш ишлари амалга оширилади. Бу ҳақда “Правда Востока” газетаси ёзмоқда.
Айни пайтда дастур доирасида 90та маданият ва истироҳат боғида таъмирлаш ва ободонлаштириш ишлари олиб борилди, уларда 800та замонавий аттракцион ўрнатилди. Яна 80та боғда таъмирлаш ишлари давом этмоқда.
Мамлакат ҳудудида ишлаётган 225 боғда ёз мавсумида тайёргарлик ишлари амалга оширилди, бир қатор маърифий тадбирлар, концертлар, ижодий кечалар, болалар учун спорт мусобақалари ўтказилди.