Россия президенти Владимир Путин санкцияга тушган маҳсулотларни йўқ қилиш ҳақидаги фармонни имзолади, деб айтилмоқда Кремль берган хабарда.

Россияга 6 августдан бошлаб олиб кириладиган барча санкцияга тушган маҳсулотлар йўқ қилинади.

Фармонга кўра, Россия билан чегарада маҳсулотларни йўқ қилиш тартиби ҳукумат томонидан ўрнатилади. Ушбу фармон шахсий фойдаланиш учун олиб кирилаётган маҳсулотларга татбиқ қилинмайди.

“Фармон жисмоний шахслар томонидан шахсий фойдаланиш ёки божхона транзити божхона тартиботига жойлаштирган ва юкка илова қилинадиган ветеринар ва фитосанитар ҳужжатларнинг ҳақиқийлиги шарти билан учинчи давлатларга олиб кетилаётган маҳсулотларга татбиқ этилмайди”, дейилмоқда хабарда.