"Арсенал" жамоасининг польшалик дарвозабони Войчех Шченсни ўз фаолиятини Римнинг "Рома" жамоасида давом эттиради. Бу ҳақда "бўрилар"нинг расмий сайтида маълум қилинган.

Хабарда айтилишича, 25 ёшли ушбу дарвозабон 2015-2016 йиллар мавсумида "Рома"га ижара асосида берилган.

Футболчи "Рома"да тиббий кўрикдан ўтиб бўлгани айтилган.

Эслатиб ўтамиз, бир неча мавсум давомида "канонирлар" дарвозасини муваффақиятли равишда ҳимоя қилган ушбу дарвозабон, жорий йилнинг бошида бош мураббий Арсен Венгер билан муносабатларда муаммога дуч келди ва асосий таркибдаги ўрнини Давид Оспинага бериб қўйди.

Янги мавсум арафасида эса, "Арсенал" "Челси"дан Питер Чехни трансфер қилгач, Войчехга асосий таркибдан жой берилмаслиги узил-кесил маълум бўлганди.