Туркияда амалга оширилган терактларда 40 киши ҳалок бўлди

Жаҳон 29 Июль 2015 2108

Охирги кунларда Туркияда амалга оширилган қўпорувчилик ҳаракатлари 41 кишининг ҳаётига зомин бўлди. Улардан 11 нафари полициячи ёки ҳарбий эди. Бу ҳақда мамлакат бош вазири Аҳмад Довудўғли баёнот берди.

“Учта террорчи ташкилот (ИШИД, КИП ва Инқилобий халқ озодлик партияси) бир пайтнинг ўзида Туркияга қарши ҳужумларини бошлади. Суручдаги терактдан бошлаб турли миқёсдаги 657 теракт содир этилди, мамлакатнинг 41 фуқароси, шу жумладан, 11 полициячи ва ҳарбий ҳалок бўлди”, – деди у ўзи бошчилик қилаётган Адолат ва тараққиёт партияси фракциясининг йиғилишида қилган чиқишида.

Бош вазир депутатларни ҳукумат террорчиликка қарши курашга барча кучларини сафарбар этишига ишонтирди: “Бизнинг кучимиз нафақат 3та, балки 33та террорчи ташкилотга қарши курашишга етади”.

Эслатиб ўтамиз, бугун Туркия жандармлари Арзирум вилоятидаги бўлинмага ҳужум уюштирган уч нафар жангарини йўқ қилди. Уларнинг Курдистон ишчи партиясига алоқадорлиги айтилмоқда. Маҳаллий телевидение орқали хабар берилишича, келиб чиққан отишмада учала жангари ҳам ўлдирилган.

Шу билан бирга, мамлакат жануби-шарқидаги Муш вилоятида жангарилар жандармерия гарнизони командирининг машинасини ўққа тутган. Машинада унинг рафиқаси ва боласи бўлган. Уларга зиён етмаган, аммо зобитнинг ўзи олинган жароҳатлардан вафот этган.

Бундан ташқари, душанба куни Ван вилоятидаги автотрассада жандармлар ва жангарилар ўртасида отишма юзага келди. Экстремистлар йўлни тўсиб қўйиб, ҳайдовчиларнинг ҳужжатларини текшириб, “шубҳали”ларни ўтказишмаган. Улар битта юк машинасига ўт қўйган. Воқеа жойига етиб келган жандармларга қарата автоматик қурол ва гранатомётлардан ўқ узилган. Жиноятчилар яқин атрофдаги тоғларга беркинишга улгурган, уларни қидириш бўйича махсус операция бошлаб юборилган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 7756 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 8611 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51040 Жамият
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
Ўзбекистон Бош прокуратураси ходимлари Қозоғистонда бўлди
ФВВ тизими органларининг иш тартиби белгиланди
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 3077 Lifestyle
ОАВ: Ким Чен Ин Жанубий Корея билан чегарадаги ҳарбий базага махфий тарзда борди
09:42 3667 Жаҳон
Чинозлик фуқаронинг уйидан 4 килограммга яқин марихуана моддаси топилди
09:38 932 Жамият
Ўзбекистон ТИВ раҳбари Ҳиндистоннинг таҳлилий марказлари вакиллари билан учрашди
Кўпроқ янгиликлар