2013-2014 йилги мавсумни Хитой чемпионатида, "Шандун" жамоасида ўтказган "ЦСКА"нинг собиқ ҳужумчиси Вагнер Лав "Спорт Экспресс" нашрига берган интервьюсида Хитой чемпионатида рақобат мавжуд эмаслиги ҳақида билдириб ўтди.

"Хитой чемпионатида умуман рақобат йўқ. У ерда ўйин вақтида шеригингдан тўпни олгач, бир чашка қаҳва ёки чой ичиш, кейин бироз ўйланиб туриб, бошқа шеригингга тўпни узатишинг мумкин. Ҳозир мен ўшанда Хитойга борганимдан афсусдаман. Агар Россиядан тўғри Бразилияга йўл олганимда, ўйинимда пасайиш бўлмасди. Россия чемпионати ҳатто Бразилия чемпионатидан ҳам кучлироқ", дейди Вагнер Лав.

Маълумот учун, 2015 йилги мавсумда Бразилиянинг "Коринтианс" жамоасида ўйнашни бошлаган Вагнер Лав 12та ўйинда майдонга тушиб, 3та гол урди.