Россиялик божхоначилар икки нафар хитойлик туристларни текширганида, улар ич кийимларида 8 кг дан ортиқ қуритилган трепанг олиб чиқишга ҳаракат қилгани аниқланди. 12 пакетдаги бу деликатес ички кийимлардан ташқари, пойафзал ичига ҳам яширилган эди. Бу ҳақда ТАСС агентлигига Узоқ Шарқ божхона бошқармаси матбуот хизмати маълумот берди.
Айтилишича, хитойликлар шубҳали хатти-ҳаракатлари боис божхоначилар диққатини тортган. Метталлодетектор ҳеч нарсани аниқламаганига қарамай, улар асабийлашаверган. Натижада тинтув ўтказилган.
Контрабанданинг миқдори 300 минг рублни ташкил қилади. Воқеа юзасидан жиноий иш қўзғатилган.
Трепанг ёки денгиз бодринги Шарқ табобатида юқори қийматга эга бўлган ноёб денгиз маҳсулотидир. Россиянинг Приморье ўлкасида унинг популяцияси кичик бўлгани учун уни тутиш ва истеъмол қилиш тақиқланган. 1 кг қуритилган трепанг олиш учун тирик моллюскнинг 20 баробар кўпроғини йўқ қилиш керак.