Халқаро олимпия Қўмитаси раҳбарияти 2016 йилда Бразилиянинг Рио-де-Жанейрода бўлиб ўтадиган ёзги, 2018 йилда Жанубий Кореянинг Пхёнгчанг шаҳрида бўлиб ўтадиган қишки олимпиада ўйинлари учун кўрилаётган тайёргарлик жараёнидан қониқиш ҳосил қилмоқда. Бу ҳақда Қўмита президенти Томас Бах маълум қилди.

«Биз Рио-де-Жанейро олимпиадаси ташкилотчилари билан олимпиада учун қурилаётган иншоотлар ва олимпия қишлоғининг сўнгги босқичи борасида суҳбатлашиб олдик. Уларни олдинда 44та синов мусобақалари кутиб турибди», дейди Бах.

«Пхёнгчанг шаҳридаги тайёргарлик борасида ҳам энди аниқ рақамларни кўрсатиш мумкин. Фигурали учиш мусобақалари ўтказиладиган объектлардан бири 26,1 фоизга тайёр. Уч кундан кейин бу кўрсаткич 26,2 фоизга етади», дея ҳазил аралаш гапириб ўтди Бах.