Йилнинг энг фаол ёш кимёгари аниқланди

Ўзбекистон 29 Июль 2015 3234

Ўзбекистон Республикаси Президентининг “Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида”ги Қарори ҳамда “Ўзбекистон Республикасида 2015 йилда ёшларга оид давлат сиёсатини амалга оширишга қаратилган қўшимча чора-тадбирлар Дастури”га мувофиқ Ўзбекистон касаба уюшмалари Федерацияси Кенгаши томонидан “Йилнинг энг фаол ёш мутахассиси” танлови ўтказилмоқда. Айни кунларда 4 босқичда ташкил этилган мазкур танловнинг Республика тармоқ босқичлари бўлиб ўтмоқда.

Танловдан кўзланган мақсад ёшларнинг ҳар томонлама етук мутахассис бўлиб камол топишга бўлган интилишларини қўллаб-қувватлаш, ёш мутахассисларнинг инновацион ғоя, лойиҳа ва технологияларини ҳаётга тадбиқ этиш орқали ёшлар бандлигини таъминлаш, уларнинг ҳуқуқий маданияти ва фаоллигини ошириш, шунингдек, иқтидорли ёшларни муносиб рағбатлантириш, йигит-қизларда Она Ватанга муҳаббат ва мамлакатда рўй бераётган воқеаларга даҳлдорлик ҳиссини оширишдир.

Куни кеча Чирчиқ шаҳридаги “Максам-Чирчиқ” маданият саройида мазкур танловнинг “Йилнинг энг фаол ёш кимёгари” номинацияси бўйича Республика босқичи ўтказилди. Унда “Ўзкимёсаноат” ДАК тизимидаги корхона ва ташкилотларда меҳнат қилаётган ва танловнинг дастлабки босқичларида ғолибликни қўлга киритган, илғор инновацион ғояларга эга бўлган 7 нафар ёш кимёгар беллашди.

Танловда ёш мутахассисларнинг ишлаб чиқаришга жорий этилган янги лойиҳалари, улар натижасида ишлаб чиқариш ҳажми ва унумдорлигининг ортиши, инновацион ишланмаларнинг Республикамиз иқтисодиётини ривожлантиришга қўшаётган ҳиссаси асосий мезонлардан бири бўлди.

Энг муҳими тадбир орқали ёшларнинг ноёб кашфиётлари юзага чиқарилди. Масалан, “Фарғонаазот” АЖнинг Карбомид цехи инженер технологи Пўлатжон Холдоров танловда “Синтез реакторини модернизация қилиш” лойиҳаси билан иштирок этди. Ушбу лойиҳанинг аҳамиятли томони шундаки, модернизация натижасида карбомид ишлаб чиқаришдаги реакция жараёни 57 фоиздан 60 фоизга кўтарилади. Натижада ишлаб чиқариш ҳажми суткасига 1000 тоннадан 1096 тоннага ортади. Бир йилда эса маҳсулот ишлаб чиқариш 31 минг 600 тоннага ошади. Мазкур лойиҳанинг амалга татбиқ этилиши натижасида йилига қарийб 17 миллиард сўм қўшимча фойда олинади.

“Навоийазот” АЖнинг 25-цехи устаси Беҳзод Шералиевнинг инновацион ишланмаси эса хлор таблеткаларини олишда асосий маҳсулот ҳисобланган “сианур” кислотасининг синтез жараёнида электроэнергияни ишлатмаган ҳолда табиий газдан унумли фойдаланишга йўналтирилган. Бу орқали ишлаб чиқариш унумдорлиги 3 баробарга ортиши билан бирга хлор таблеткаларининг таннархи      2 баробарга арзонлашади. Шунингдек, мазкур лойиҳанинг амалга татбиқ этилиши натижасида жаҳон бозорига рақобатбардош маҳсулот ишлаб чиқарилади.

Танловда нуфузли ҳакамлар хайъати томонидан “Йилнинг энг фаол ёш кимёгари” танловининг 1-, 2-, 3-ўрин ғолиблари аниқланди.

Ғолиблар Кимё саноати ходимлари касаба уюшмаси Республика кенгаши дипломлари ва совғалари билан тақдирландилар.

Эслатиб ўтамиз, танлов доирасида аниқланган энг фаол ёш мутахассислар Ўзбекистон касаба уюшмалари Федерацияси Кенгаши томонидан Ватанимиз Мустақиллигининг 24 йиллигига бағишлаб ташкил этиладиган “Ёш мутахассислар” Республика форумида иштирок этиш йўлланмасини қўлга киритдилар. Мазкур форумда энг яхши деб топилган иқтидорли ёш мутахассислар Касаба уюшмалари Федерацияси томонидан таъсис этилган махсус грантларни қўлга киритадилар.

 

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6768 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56875 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37861 Ўзбекистон
Кун.uz офис изламоқда
15:48 / 06.08.2017 38835 Lifestyle
Диққат, огоҳ бўлинг! «Мен Мажбурий ижро бюросиданман»
11:10 364 Жамият
Асака туманида тергов идорасидан яшириниб юрган шахс қўлга олинди
11:09 149 Жамият
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 1120 Спорт
Кўпроқ янгиликлар