Nokia корпорациясининг соф фойдаси жорий йил биринчи ярми якунларига кўра 4.3 баробарга тушиб кетиб, 526 млн еврони ташкил қилди. Бу компания эълон қилган молиявий ҳисоботдан маълум бўлди.

2014 йили Финляндиянинг энг йирик корпорацияларидан бири шу даврни 2.282 млрд доллар билан якунлаган эди. 2015 йилнинг иккинчи чорагида фойда 86.1 фоизга тушиб, 348 млн еврони ташкил қилди.
Шунга қарамай, Nokia’нинг тушуми 14.2 фоизга ошди ва 6.4 млрд долларни ташкил қилди. Йилнинг иккинчи чорагида тушум 9.1 фоизга ўсиб, 3.2 млрд еврони ташкил қилди; ўтган йилнинг шу даврида бу кўрсаткич 2.9 млрд еврони ташкил қилган эди.