Ўзбекистонда йўловчи ташиш йўналишлари сони 4317тага етди

Ўзбекистон 30 Июль 2015 1742

Ўзбекистон автомобиль ва дарё транспорти агентлигининг 2015 йилнинг биринчи ярмидаги фаолияти якунларига бағишланган матбуот анжумани ўтказилди.

Маълум қилинишича, жорий йилнинг ўзида Ўзбекистонда 33 янги йўловчи ташиш йўналиши ташкил этилиб, уларда қарийб 300 автобус ва йўналиш таксилари аҳолига хизмат кўрсатмоқда.

2000 йилда мамлакатимизда икки мингга яқин йўловчи ташиш йўналиши мавжуд бўлган бўлса, айни пайтда уларнинг сони 4317 тага етган. Ушбу йўналишларнинг деярли барчаси очиқ тендер савдоларидан ўтказилган. Жумладан, жорий йилнинг биринчи ярмида ўтказилган 78 очиқ тендер савдоларида 673 йўловчи ташиш йўналиши жойлаштирилди.

Шунингдек, транспорт корхоналари автопаркини янгилашга ҳам алоҳида эътибор қаратилмоқда. Хусусан, 2015 йилнинг ўтган олти ойида Самарқанд автомобиль заводида ишлаб чиқарилган 175 «Исузу» автобуси лизинг асосида сотиб олинди. Бундан ташқари, транспорт корхоналари учун 247 юк машинаси, 62 микроавтобус ва 322 енгил автомобиль харид қилинди.

Ўзбекистонда кичик бизнес ва хусусий тадбиркорликни ривожлантиришга қаратилаётган алоҳида эътибор самарасида автотранспорт соҳасида ҳам хусусий сектор улуши ортиб бораётгани туфайли ҳисобот даврида мазкур соҳага жалб этилган инвестициялар ҳажми 77,6 миллиард сўмни ташкил қилди.

Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси ва Давлат солиқ қўмитаси билан ҳамкорликда транспортда хизмат кўрсатиш соҳасида ноқонуний фаолият юритаётган субъектларни аниқлаш бўйича мунтазам рейдлар ўтказилмоқда. Ҳисобот даврида ўтказилган 2300дан зиёд қўшма рейд давомида тўпланган материаллар чора кўриш учун тегишли органларга тақдим этилди.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14413 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68199 Жамият
Кун.uz офис изламоқда
15:48 / 06.08.2017 37096 Lifestyle
"Реал" Испания Суперкубоги соҳиби!
04:08 614 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1015 Жаҳон
Саакашвили Украинага қачон қайтишини маълум қилди 
01:15 1590 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1608 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар