Қашқадарёнинг Нишон туманида Москва-Душанбе поезди йўловчилари текширилганда, Тожикистон фуқароси Ш. Ҳайдаров қўлга олинди. Бу ҳақда 12news.uz хабар берди.

Юкларнинг декларацияга мослиги кўриб чиқилаётган пайтда божхоначилар унинг ноутбукини текширдилар. Унда “Ҳизб ут-таҳрир” экстремистик гуруҳи томонидан тайёрланган, фундаментализм ғояларини тарғиб қилувчи видеоматериаллар ҳамда диний мазмундаги 150та аудиофайл борлиги аниқланди. Аниқланишича, у Ўзбекистон ҳудуди орқали бу материалларни Тожикистонга олиб ўтишга ҳаракат қилган.

Унинг ҳамроҳи Х. Бекназаровнинг ноутбукида ҳам 152та диний мазмундаги аудиофайл ва кўплаб видеоматериаллар борлигини аниқланди.

Иш Нишон туман жиноий ишлар бўйича судида кўриб чиқилиб, икки тожикистонлик 6 йилга озодликдан маҳрум қилинди.