Европа Иттифоқининг Россияга нисбатан киритган иқтисодий санкцияларининг узайтирилишига яна 6та давлат – Черногория, Албания, Исландия, Лихтенштейн, Норвегия ва Украина қўшилди. Бу ҳақда ЕИ дипломатияси раҳбари Федерики Могеринининг эълонида маълум қилинди.

“ЕИга аъзоликка номзод давлатлар Черногория ва Албания ҳамда Европа эркин савдо уюшмасининг аъзолари Исландия, Лихтенштейн ва Норвегия, Европа иқтисодий ҳудуди аъзолари ва Украина санкцияларнинг узайтирилишига қўшилади”, дейилмоқда хабарда.

Аввалроқ ЕИ Кенгаши Россияга қарши санкцияларни 2016 йилнинг 31 январигача узайтириш қарорини қабул қилган эди.