Руминияда Ғарбий Европага йўл олаётган, 333 кг героин ортилган иккита юк машинаси ушланди, деб хабар бермоқда Associated Press ахборот агентлиги.

29 июль куни бири Венгрияга, иккинчиси Трансильваниядаги Бистрица шаҳрига кетаётган юк машинасида ушуб героин моддаси аниқланди. Гиёҳванд моддалар итлар топа олмаслиги учун гармдори билан ниқоблаб қўйилган.

Ушбу ҳолат юзасидан Туркия ва Руминиянинг икки нафардан фуқароси қўлга олинди. Маҳаллий полиция бошлиғи Клаудиу Кукунинг маълум қилишича, улар 2011 йилдан бери кузатув остида бўлганлар.

Героин Афғонистонда ишлаб чиқарилганлиги тахмин қилинмоқда ва Туркия, Украина ва Руминия орқали олиб ўтилган. Гиёҳванд моддалар етказилиши керак бўлган охирги манзил Нидерландия бўлган, у ердан эса ушбу оғу бутун Европа бўйлаб тарқатилиши керак бўлган.