Россия томонидан Украинада уриб туширилган Boeing самолёти ҳалокати бўйича халқаро трибунал ташкил этилиши лойиҳасига қўйилган вето (тақиқ) ҳалок бўлганларнинг оилаларига нисбатан адолат қарор топишини рад қилмайди. Бу ҳақда АҚШнинг БМТдаги вакили Саманта Пауэр баёнот берди.
“Бугунги вето ҳалок бўлганларнинг оилаларига нисбатан адолат ўрнатилишини рад қилмайди. Бортида 298 киши бўлган самолётни уриб туширганлар жазосиз қолмайди”, – унинг сўзларини келтиради РИА Новости.
Эслатиб ўтамиз, Россиянинг БМТдаги вакили Виталий Чуркин тақиқни бир қанча масалаларнинг ноаниқлиги билан тушунтирди. Жумладан, нега фуқаролик самолёти ихтилоф зонаси устидан учишига рухсат берилганлиги савол туғдирмоқда.