"Барселона" жамоаси бош мураббийи Луис Энрике жамоанинг Америкадаги турнесида Серхио Роберто учун ўйинларда ҳаммадан кўпроқ вақт ҳаракат қилиш ва ўзини кўрсатиш имконини яратиб берди.

Жамоа АҚШдаги "Халқаро чемпионлар кубоги" турнирида 3та ўйин ўтказди.

23 ёшли Серхио Роберто бу ўйинларда жами 224 дақиқа ўтказди.

Бу борада иккинчи кўрсаткич Рафинья Алькантарага тегишли (189 дақиқа). Луис Суарес эса учинчи бўлган (177 дақиқа).

Шунингдек, Серхио Бускетс (175 дақиқа) ва Андрес Иньеста (174 дақиқа) ҳам бошқаларга нисбатан кўпроқ вақт давомида майдонда бўлишган.

Қайд этиш жоизки, "Барселона" бу турне давомидаги уч ўйиндан фақат биттасида ғалаба қозонди. "Лос-Анжелес Гэлекси" 2:1 ҳисобида мағлуб этилди. "МЮ" ва "Челси" жамоаларига қарши ўйинларда эса 1:3 ҳамда 2:2 (2:4, пенальтилар серияси) ҳисобларида мағлуб бўлинди.