Туркияда армия батальонига ҳужум уюштирилиши оқибатида 3 нафар аскар ҳалок бўлди. Бу ҳақда Рейтер нашри хабар берган.

Ҳукумат вакилининг айтишича, ҳужум Курдистон ишчилар партияси вакиллари томонидан амалга оширилган.

Аниқлик киритилишича, Сирнак вилоятидаги батальон ҳужумга учраган.

Айни вақтда ҳудудга вертолётлар ва махсус бўлинмалар юборилган.

Эслатиб ўтамиз, Туркия ҳукумати Сурия ва Ироқ ҳудудидаги курдларнинг базаларини ҳарбий самолётларидан ўққа тутишда давом этмоқда. Мамлакат ичкарисида эса террорчи ташкилотларга қарши аксилтеррор амалиётлар олиб борилмоқда.

Туркия бош вазири бу ҳаракатлар мамлакат тинчлиги тўла таъминлангунига қадар давом этишини маълум қилган.