30 июль куни Тошкентдаги матбуотчилар уйида “Ўзбеккино” миллий агентилигининг “Миллий кинематография санъатини ривожлантириш муаммолари ва истиқболдаги режалар” мавзусида конференцияси бўлиб ўтди. Унда турли хил саволларга жавоб берилди. Журналистлар хусусий киностудияларда суратга олинаётган паст савиядаги фильмларнинг кўпайиб кетаётгани тўғрисидаги савол билан агентлик масъулларига савол беришди.
Маълум бўлишича, шу йил давомида агентликка хусусий кинокомпаниялардан умумий ҳисобда 98та сценарий келиб тушган. Улардан 70таси эса суратга олишга яроқсиз деб топилган. Бадиий кенгаш аъзоларининг таъкидлашича, тақдим этилган киносценарийнинг биргина саҳифасидан 55та орфографик хато топилган ҳолатлар ҳам бўлган.