30 июль куни Тошкентдаги матбуотчилар уйида “Ўзбеккино” миллий агентилигининг “Миллий кинематография санъатининг ривожлантириш муаммолари ва истиқболдаги режалар” мавзусида конференцияси бўлиб ўтди. Унда қатнашчилар томонидан “Ўзбеккино” миллий агентлигининг фильмларга қанча пул ажратилиши ҳақида савол берилди.

Маълум бўлишича, бу йил давлат бюджетидан “Ўзбеккино” миллий агентлигига 10 миллиард сўм ажратилган. Давлат буюртмасига биноан суратга олинаётган фильмларнинг ҳар бири учун камида 500 миллион сўм сарфланиши айтилди. Хусусан, янги суратга олинаётган “Ойқиз эртаги” номли болаларга мўлжалланган фильм учун 1 миллиард 600 миллион сўм пул ажратилган.