31 июлда Малайзиянинг Куала-Лумпур шаҳрида бўлиб ўтган Халқаро Олимпия қўмитасининг 128-сессиясида Олма-ота шаҳри ҳокими Аҳмаджон Есимов томошабинлар олдида инглизчада табрик нутқи сўзлади.

Есимовнинг нутқи 1,5 дақиқа давом этган бўлсада, интернет фойдаланувчиларининг табассумини уйғотишга сабаб бўлди. Баъзилар Есимовда кучли акцент борлигини айтган бўлсалар, бошқалар унинг умуман тушунса бўладиган гапирганини таъкидлашди. Шунингдек, россиялик фойдаланувчилар Россия спорт вазири Виталий Мутко билан Есимовнинг инглизчадаги талаффузини солиштириб, Есимовники анчароқ яхши эканлигини тан олишди.