АҚШ президенти матбуот котиби Жош Эрнест АҚШ ва Россия президентлари ишчи кўринишдаги муносабатда эканликлари ва бир қатор соҳаларда ўз сайъ-ҳаракатларини самарали мувофиқлаштираётганларини айтди. Эрон ядро дастури бўйича келишувга эришилгани бунга охирги мисоллардан бири бўлди, деб хабар бермоқда РИА "Новости" ахборот агентлиги.

“Президент Обама аввал турли ҳолатлардан фойдаланиб, Путин билан муносабатларининг ишчи кўринишда эканлигини айтган ва Обама икки президент очиқчасига, жумладан келишмовчиликларга эга масалалар бўйича суҳбатлаша олишлари мумкинлигини таъкидлаган”, деб АҚШ президенти лавозимига номзод, тадбиркор Дональд Трампнинг айтган гапларига изоҳ бериш илтимосига жавоб берди Эрнест.

Аввалроқ АҚШ Республикачилар партиясидан номзод Дональд Трамп Россия президенти Владимир Путин билан тез тил топишиб кета олишини ҳамда Россия ва АҚШ президентлари ўртасидаги ўзаро муносабатларнинг ёмон кўринишда эканлигини айтган.