Россия президенти Владимир Путин ва мамлакат бош вазири Дмитрий Медведев телебошловчи, актёр, шоумен, продюсер ҳамда Россия халқ арристи ҳисобланадиган Леонид Якубовични 70 йиллик юбилейи билан табриклашди. Президентнинг табриги матни Кремл сайтига жойлаштирилган.

Унда Россия президенти юбильярга миллионлаб руслар номидан табрик айтади.

"Сиз касбий фаолиятда улкан муваффақият қозондингиз. Сизни барча улкан ижодий потенциалини ҳаётга тадбиқ эта олган, кўплаб ижодий лойиҳалар муаллифи ҳамда маҳоратли телебошловчи сифатида билади", дейди Путин.

"Сиздек афсонавий телебошловчи, юзлаб ҳикоя ва монологлар муаллифига, миллионлаб одамлар танийдиган ва севадиган инсонга табрикларим бўлсин. Сизнинг бундай ютуқларга эришишингиз манбаи бўлган фавқулодда истеъдодингиз, ҳар қандай эфирни байрамона қилиб юборадиган маҳоратингиз завол топмасин", деб ўз табригини телеграм орқали йўллади Медведев.

Маълумот учун, 1991 йилдан буён "Биринчи канал" орқали эфир юзини кўриб келадиган "Поле Чудес" муаллифи Леонид Якубович 31 июль куни 70 ёшини нишонлайди.