1 август куни 08:30 дан 13:30 га қадар Ucell компанияси ўзининг қўшимча хизматларини вақтинчалик ўчиради. Бу ҳақда компания расмий сайти хабар тарқатди.

«Ўзбекистон Республикаси телекоммуникация тармоқларида олиб бориладиган профилактика муносабати билан 2015 йил 1 август куни соат 08:30 дан 13:30 гача қўшимча хизматлар (SMS, MMS, WAP ва GPRS) тўхтатилади. Овозли қўнғироқлар одатий равишда иш фаолиятини давом эттиради», дейилади хабарда.

Эслатиб ўтамиз, олдинроқ «Билайн» компанияси қўшимча хизматлардаги вақтинчалик узилишлар ҳақида хабар берганди.

Маълумот ўрнида таъкидлаб ўтиш жоиз, 1 август куни Ўзбекистондаги барча олий ўқув юртларига кириш учун тест имтиҳонлари бўлиб ўтади.