Зулфиқор Мусоқов: “Бир тийинга қиммат актёрларни кўтар-кўтар қилиш керак эмас”

Маданият 31 Июль 2015 8718

“Ўзбеккино” миллий агентлигининг “Миллий киноматография санъатининг ривожлантириш муаммолари ва истиқболдаги режалар” мавзусида ўтказилган конференциясида таниқли режиссёр Зулфиқор Мусоқов бугунги кино муҳитини кескин танқид остига олди.
“Бугунги кунда яхши ишлар қилинмоқда, лекин жуда суст. Биз кўпроқ ишлашимиз керак. Шахсан мен ҳеч бўлмаса 3-4 яхши режиссёрларни тайёрламоқчи эдим. Бу борада гаплашмаган масъул ва институт ректорлари қолмади. Улардан режиссёрликка қизиқадиган ёшлар билан шуғулланиш учун атиги битта хона сўрадим. Бугунги кинематографияга жаҳон киносини яхши биладиган режиссёрлар етишмаяпти. Сценарийлар ҳам жуда-жуда саёз. Ахир сценарий ёзишни билмай туриб қандай кино ишлаш мумкин? “Хонтахтачилар”ни нега бунчалик кўтар-кўтар қилишяпти ҳайронман. Уларнинг сценарийси иккита дафтар варағига ҳам сиғади. Ҳаммаси оғзаки кўрсатмалар. Шундай қилиб мухлисларнинг савиясини тушириб юбордик. Адиз Ражабовни Ален Дэлон деб билишмоқда. Адиз тушмаган фильмларга боришмайди. Яна бир нечта ёш юлдузчалар бор. Мен учун булар бир тийинга қиммат актёрлар. Уларни ҳеч қачон фильмга олмаган бўлардим.
Бундай мажлисларда нима учундир телевидение раҳбарлари қатнашишмайди. Улар ўзи билмаган ҳолда фильмларни ағдар-тўнтар қилиб ташлашмоқда. Менинг фильмларим 27 йилдан буён эфирда кетмоқда. Бу учун ҳеч кимдан пул сўраганим йўқ. Шунчаки халқ кўрсин, хулоса чиқарсин дейман. Фильмларимизнинг энг муҳим қисмларини кесиб ташлашса, алам қилади-да! “Бекатдаги одам” фильмида автоҳалокат ҳақидаги бир жойи бор. Агар шу фильмни кўришганда ҳалокатлар сони камайган бўлармиди. Шахсан мен кино бир кишининг ҳаётини сақлаб қолса ҳам ўзимни бахтли ҳис қилган бўлардим”,- дейди Зулфиқор Мусоқов.
Таъкидлаш жоизки, айни вақтда қатор халқаро киномукофотлар соҳиби Зулфиқор Мусоқов “Ўзбекфильм” киностудияси билан бирга “Кузнинг бир куни” фильмини суратга олмоқда.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 57012 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33051 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 40895 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 4982 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16820 Ўзбекистон
16 август куни Тошкентда юз берган йўл-транспорт ҳодисалари
11:50 702 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 941 Жамият
ОАВ: Россияда пластик пуллар пайдо бўлади
Кўпроқ янгиликлар