АҚШ разведка хизмати "Толибон" жангарилари раҳбари мулла Умарнинг ўлдирилгани ҳақидаги хабарларни тасдиқлади. Бу ҳақда Оқ уй матбуот хизматига асосланган ҳолда Рейтер нашри хабар берди.

Шу ҳақдаги баёнотда айтилишича, унинг ўлими тафсилотлари мавҳумлигича қолмоқда.

Оқ уй мулла Умарнинг ўлими Афғонистонда хавфсизликнинг таъминланиши учун жангариларга қарши олиб борилаётган курашда қўл келишини таъкидлаб ўтган.

Эслатиб ўтамиз, мулла Умарнинг ўлгани ҳақида дастлаб 29 июль куни Покистондаги нашрлар хабар тарқатди.

Бироз ўтиб, Афғонистон ҳукумати унинг 2 йил олдинроқ йўқ қилингани ҳақида хабар берди.