31 июль куни Англиянинг жанубидаги Гэмпшир графлигидаги Blackbushe аэропортида енгил моторли самолёт қулаб тушгани ҳақида хабар берилганди.

Кейинроқ маълум бўлишича, бу самолётда "Ал-Қоида"нинг собиқ раҳбари Усама бин Ладеннинг қариндошлари кетаётган бўлган. Бу маълумот Саудия Арабистонининг Лондондаги элчихонаси томонидан тасдиқланган.

Шаҳзода Муҳаммад ибн Наваф Ол Сауд Усама бен Ладеннинг оиласига ўз таъзиясини билдирган.

Ушбу оиланинг Salem Aviation номли авиакомпаниясига тегишли бўлган Embraer Phenom 300 самолёти Италиянинг Милан шаҳридан учиб келганди.

Фалокат оқибатида 4 киши – учувчи ва 3 нафар йўловчи ҳалок бўлган. Самолёт куннинг иккинчи ярмида Blackbushe аэропорти ёнидаги автомобиллар сотиладиган аукцион уй ҳудудига қўниш пайтида фалокатга учраган.

Daily Mail газетасида ёзилишича, бу самолёт 11 млн долларлик қимматбаҳо самолёт эди.