Парижнинг “ПСЖ” жамоаси Франция Суперкубоги учун учрашувда “Лион”ни мағлуб этиб, учинчи марта кетма-кет Франция Суперкубоги соҳибига айланди. Учрашув Канаданинг Монреаль шаҳридаги “Сапуто” стадионида бўлиб ўтди ва парижликларнинг 2:0 ҳисобидаги ғалабаси билан якунланди.

Учрашувнинг 11-дақиқасида Серж Орье парижликларни ҳисобда олдинга олиб чиқди. 6 дақиқа ўтиб, уругвайлик суперюлдуз Эдинсон Кавани “ПСЖ”нинг устунлигини 2 баробарга кўпайтирди.
2-тайм ўртасида “Лион” камчиликда қолди – Максим Гоналон тўғридан-тўғри қизил карточка билан “сийланди”.

“ПСЖ” клуб тарихида 5-марта Франция Суперкубогини қўлга киритди.

Франция Суперкубоги
ПСЖ (Париж) – Лион (Лион) – 2:0
Голлар: 1:0 – 11 Орье, 2:0 – 17 Кавани.
ПСЖ – Трапп, Давид Луиз, Орье, Тиаго Силва, Максвелл, Верратти (Стамбули, 70), Матюиди, Рабьо, Лукас (Баэбек, 82), Кавани (Огюстен, 63), Иброҳимович.
Лион – Лопеш, Умтити, Коне, Бедимо, Жайе, Ферри (Мальбранк, 78), Гоналон, Толиссо, Бовю, Бензия (Геззаль, 67), Лакасетт.
Огоҳлантиришлар: Верратти (60), Давид Луиз (81).
Четлатиш: Гоналон (64).