Испаниялик актёр Антонио Бандерас АҚШнинг Starz телеканалида намойиш этилиши режалаштирилган "Куба квартети" (Cuban Quartet) номли сериалда иштирок этади.

Маҳаллий ОАВларнинг хабар беришича, бу сериалга кубалик ёзувчи Леондро Падуранинг "Фасллар" (Seasons) номли тетралогияси асос қилиб олинади. Бу асар марказида ҳамиша ёзувчи бўлишни орзу қилган махфий агент тақдири ётади.

Қайд этиш жоизки, АҚШ ва Куба муносабатлари тикланишидан кейин америкаликлар Куба маданияти билан таниша бошлашди.

Бироз олдинроқ, Discovery Channel телеканали "Cuban Chrome" сериалини намойиш қилишни бошлаганди. Бу сериалда машҳур комик ва телебошловчи Конан O`Браян ҳам иштирок этган.
АҚШдаги бошқа бир телеканал American Heroes ҳам Фидель Кастро ҳаёти ҳақида ҳужжатли фильм тайёрлаш устида иш олиб бормоқда.