АҚШлик таниқли реп ижрочи Снуп Догг Италиянинг Ламеция-Терме шаҳри аэпорортида 422 минг доллар пул билан ушлаб қолинди, деб хабар бермоқда TGCOM.24 телеканали.

Хонанда Италиядаги концертдан кейин Лондонга жўнаб кетмоқчи бўлган. Бироқ полициячилар текширув пайтида унинг ёнидан 422 минг доллар нақд пул аниқлашган. Бу сумма ташиш учун рухсат берилган суммадан анча кўпроқни ташкил қилган.

Пул ювишга қарши курашишга қаратилган маҳаллий қонунчиликка мувофиқ, хонанданинг 200 минг долларга яқин пули мусодараа қилинган.

Аввалроқ Снуп Доггнинг атрофидаги 2 нафар киши наша сақланганликда айбланиб ҳибсга олингани маълум қилинган эди.