БМТ хавфсизлик кенгашининг 5 нафар доимий аъзоси ва Германиядан ташкил топган “олтилик” ва Теҳрон ўртасида Эрон ядровий дастури бўйича эришилган келишув Яқин Шарқни хавфсизроқ қилади, деб айтди Мисрга ишчи сафар билан келган АҚШ Давлат котиби Жон Керри.

“Олтилик” ва Эрон билан эришилган келишув бажариладиган бўлса, шак-шубҳасиз, Яқин Шарқ минтақасини хавфсизроқ қилади”, деб айтди Керри Миср Ташқи ишлар вазири Сомиғ Шукрий билан бирга ўтказган матбуот-анжуманида.

Шукрий ўз навбатида келишувнинг бажарилиши “Яқин Шарқни ядровий қуролдан холи ҳудудга айлантиришига” умид билдирди.

Шукрий томонлар “Сурия ва Ямандаги тўқнашувларни тинчлик йўли билан ҳал қилиш зарурлигини таъкидлаб ўтганларини” айтиб ўтди.

АҚШ Давлат котиби Жон Керри 2 августда Қоҳирага етиб келди. Керри, шунингдек, Миср президенти Абдулфаттоҳ ас-Сисий билан учрашади.

Керри ўзининг Яқин Шарқ бўйлаб сафари доирасида Қоҳирадан Доҳага йўл олади ва у ерда 3 августда Россия ва Саудия Арабистони ташқи ишлар вазирлари Сергей Лавров ва Одил ал-Жубаир билан учрашади.