Ўзбекистонлик футболчи Одил Аҳмедов тўп сурадиган “Краснодар” клубининг бош мураббийи Олег Кононов Аҳмедов нима учун иккинчи ўйинда кетма-кет ўйинни захира ўриндиғида бошлашига тўғри келаётганига изоҳ берди.
“Аҳмедовнинг асосий таркибда ўйинга тушмаётгани биринчи навбатда жамоадаги рақобат билан боғлиқ. Бундан ташқари, Одил етарлича жисмоний тайёргарликда эмас. У зич мавсумни ўтказди, терма жамоа сафида кўп учрашув ўтказди, клубда эса деярли алмаштиришсиз ўйнади. Албатта, бу ўз таъсирини кўрсатади”, деб айтди Кононов “Наш футбол” телеканали эфирида.

Қайд этиш жоизки, Аҳмедов 2 августда Россия премьер-лигасининг 3-турида меҳмонда “Ростов” билан учрашувда “Краснодар”нинг асосий такрибида ўйинга тушди. Унинг ўрнига учрашувнинг биринчи дақиқаларидан Маурисио Перейра ўйнаши кутилганди.