Ўзбекистон Республикаси Табиатни муҳофаза қилиш давлат қўмитаси фаолиятининг биринчи ярим йиллик якунларига бағишланган Ҳайъат йиғилиши бўлиб ўтди.

Маълум қилинишича, 2015 йилнинг биринчи ярмида Табиатни муҳофаза қилиш давлат қўмитаси томонидан Ўзбекистонда ёввойи ҳайвонларни овлаш учун 135та рухсатнома берилган.

Ҳисобот даврида ёввойи ҳайвонларни овлаш учун 135та, ёввойи ҳайвонларни Ўзбекистон Республикасига олиб кириш ва унинг ташқарисига олиб чиқиш бўйича 334та, шу жумладан, CITES Конвенцияси бўйича 146 та, ўсимлик дунёси бўйича доривор, озиқ-овқат ва техник ўсимликларни йиғиш ва тайёрлашга 138 та, шунингдек ёввойи ҳолда ўсувчи ўсимликлар ва уларнинг қисмларини республикадан ташқарига олиб чиқишга 140 та ҳамда республикага олиб киришга 7та рухсатномалар берилган.

Бундан ташқари, браконьерлардан 138та ов қуроллари ва 1128та тўрлар олиб қўйилди. 

Эслатиб ўтамиз, ўтган йилнинг сентябрь ойида Ўзбекистонга Дубай амири Муҳаммад ибн Рашид ал-Мақтум ҳамда БАА тахти вориси шайх Ҳамдон Муҳаммад ал-Мақтум ташриф буюришган, ов қилиш уларнинг севимли машғулоти экани қайд этиб ўтилганди.