“Арсенал” бош мураббийи Арсен Венгер Англия Суперкубоги учун “Челси”га қарши ўтказилган учрашув борасида ўз фикрлари билан ўртоқлашди.
“Учрашув жадал сурьатда ўтди. Жамоалар бор кучлари билан ўйнашди. Ҳар бир ҳужумимизда уришга имкониятимиз бўлди. Бугун бизда имкониятлар кўп бўлди ва биз “Челси”дан кўра кескинроқ ўйнадик.
Бизнинг ўйинимиз уюшқоқлик, ҳужум ва ҳимоядаги яхши ўйинга асосланди. Тўп киритганимиздан кейин, устунликни сақлаб қолишга ҳаракат қилдик.
Биз “Челси” каби кучли рақиб билан учрашувда тўп ўтказиб юбормаганимиздан хурсандман.
Уилшернинг ўйнамаганига сабаб, у машғулот пайтида жароҳат олди. Бу қандайдир жиддий нарса, деб ўйламайман.
Чех якуний натижага ўз ҳиссасини қўшди. Эҳтимол “Челси” ўйинчилари унга гол уриш учун идеал ҳужумни ўтказиш лозим, деб ўйлаган бўлсалар керак”, деб айтди франциялик мутахассис.