Франциядаги Ривьер ҳудудидаги пляж мамлакатга Саудия Арабистони қироли Салмон ибн Абдулазиз Ол Сауднинг саккиз кунлик ташриф уюштириши муносабати билан вақтинчаликка ёпилди. Бу ҳақда Ассошейтед Пресс нашри хабар берди.

Жамоат пляжи ёпилиши ва қиролнинг ташрифига бундай юқори даражада тайёргарлик кўрилиши маҳаллий аҳолининг норозиликларига сабаб бўлган.

"Буларнинг ҳаммаси Саудия қиролининг саккиз кунлик таътили учунгина қилинди", дейди маҳаллий ҳокимият вакили Жан-Ноэль Фальку.

Фалькунинг ҳамфикрлари 4 август куни пляжнинг ёпилганига қарши арзнома тайёрлашиб, митинг ўтказишмоқчи.