Россия Ташқи ишлар вазири Сергей Лавров Қатарга уюштирадиган расмий ташрифи давомида Сурия Миллий коалициясининг собиқ етакчиси Аҳмад ал-Хатиб билан учрашиши кутилмоқда. Бу ҳақда РИА Новости нашри хабар берган.

"Қатарга ташриф давомида Сурия Миллий коалициясининг собиқ раҳбари Аҳмад ал-Хатиб ҳамда ХАМАС сиёсий бюроси вакили Холид Машал билан икки томонлама учрашувлар ўтказилиши режалаштирилган", дейилади россияликлар делегацияси хабарида.

Шунингдек, Лавров бу сафари давомида Кувайт ТИВ ва Уммон ТИВ раҳбарлари билан учрашади.

3 август куни Россия ТИВ раҳбарининг АҚШ ва Саудия Арабистони Ташқи ишлар вазирлари Жон Керри ҳамда Одил Жубайр билан учрашуви ўтказилади.