Россиялик боксчилар Александр Поветкин ва Денис Лебедев ўзларининг навбатдаги жангини жорий йилнинг 4 ноябрь куни ўтказишади. Бу ҳақда ТАСС «Мир бокса» компанияси матбуот хизмати маълумотларига таяниб хабар бермоқда.

Мазкур бокс кечаси Қозон шаҳридаги «Баскет-холл» аренасида бўлиб ўтади.

Ҳозирча россиялик боксчиларнинг рақиблари ким бўлиши номаълум бўлиб қолмоқда.

Поветкин 90,89 кг.дан юқори бўлган вазн тоифасидаги Бутунжаҳон боксчилар кенгаши (WBC) йўналиши бўйича чемпионлик камари учун жанг ўтказиш ҳуқуқига эга бўлиб турибди. Лебедев эса 90,71 кг.гача вазн тоифасининг Бутунжаҳон боксчилар ассоциацияси (WBА) йўналиши бўйича чемпионлик камари соҳиби ҳисобланади.