Ҳудудларда жорий йилнинг биринчи ярмида ижтимоий-иқтисодий ривожлантириш якунлари ҳамда 2015-2019 йилларда иқтисодиётни янада ислоҳ қилиш, таркибий қайта ўзгартириш ва диверсификациялаш дастурлари ижросига бағишланган фаоллар йиғинлари бўлиб ўтмоқда.
Хусусан, Самарқанд ва Қашқадарё вилоятларидаги йиғилишларда енгил саноат, қурилиш материаллари ишлаб чиқариш, мева-сабзавотни қайта ишлаш ва экспорт қилиш, хорижий инвестицияларни жалб этиш борасида олиб борилаётган ишлар мавжуд имконият ва салоҳият даражасида эмаслиги кўрсатиб берилди.
Бундан ташқари, “Оила даврасида” нашрининг ёзишича, Сурхондарё вилояти фаоллари мажлисида Бойсун, Қумқўрғон, Қизириқ, Музробод, Денов туманларида белгиланган экспорт ҳажми бажарилмагани, маҳаллийлаштириш дастурига киритилган корхоналарда тайёр маҳсулот, бутловчи буюм ва материаллар ишлаб чиқариш талабга жавоб бермаётганлиги таъкидланди.