Xiaomi компанияси Windows 10 тизимида ишловчи, янги Mi Pad планшетини яқин кунлар ичида оммага тақдим этишни режалаштирмоқда. Янги планшет, Xiaomi томонидан илгарироқ сотувга чиқарилган бошқа планшетлар каби, чиройли дизайн, юқори сифат ва арзон нархга эга бўлиши кутилмоқда.

Ҳозирда ушбу планшет Windows’нинг айнан қайси тури билан ишлаши маълум эмас. Аниқроқ қилиб айтганда, қурилма персонал компютерлар учун яратилган тўлақонли Windows 10’да, ёки мобил телефонлар учун махсус ишлаб чиқилган Windows 10 Mobile тизими базасида ишлаши мумкин.

Allnokia.ru тарқатган хабарга кўра, ушбу планшет 16-августда расман намойиш этилади.