Ҳиндистоннинг Жодҳпур шаҳри аҳолисини шу ердаги қудуқлардан биридан топиб олинган кичкина сирли жонзот танаси карахт ҳолга солди.

Кичкина "ўзга сайёралик"нинг сурати Facebook ижтимоий тармоғида бир неча кун аввал чоп этилган эди. Суратда ҳинд эркак номаълум жонзотнинг ўлик танасини қўллари билан ушлаб турибди. Сурат муаллифининг айтишича, бу ўзга сайёраликдан бўлак нарса эмас.

Оёқ-қўлларида тўрттадан бармоғи бўлган бу жонзот Ражастон штатининг Жодҳпур шаҳридаги қудуқдан топилган, деб маълум қилмоқда The Daily Mirror нашри.

Қайд этиш жоизки, интернет фойдаланувчилар орасида сирли жонзотнинг келиб чиқиши борасида қизғин баҳс-мунозара юзага келди. Улардан баъзилари бу ҳақиқатда ўзга сайёралик деб айтса, бошқалари бу суратни фотошоп дастурида яратилган уйдирма сурат деб атаган.