Осло шаҳридан 150 км ғарбда жойлашган Норвегия қўшимча таълим коллежи викинг бўлишни истаганлар учун махсус дастур очади. Бу ҳақда TheLocal.no ресурси хабар бермоқда.

Дастур қилиқ тоблаш, эшкак эшиш, кулолчилик, дурадгорлик, заргарликни ўз ичига олади. Талабалар, шунингдек, сомон билан том ёпишни ўрганади. Бундан ташқари, уларга викинлар урф-одатлари, масалан, қурбонлик қилиш ўргатилади.

Коллеж директори Арве Хусбюнинг маълум қилишича, муассаса дастур бўйича кўплаб мурожаатномалар олган. Кимлардир сериаллар таъсирида викинглар маданиятига қизиқиб қолган бўлса, бошқалар касб-ҳунар ўрганишга қизиқмоқда.