Чехиянинг жанубида йўловчи поездлари тўқнашиб кетиши оқибатида оғир жароҳатлар олган 7 киши ҳамда камроқ даражадаги жароҳат билан 30 киши шифохонага ётқазилди.

Ҳалокат Гораждевице шаҳри станциясида юз берди. Ҳаракатланишни бошлаган Брно-Плзень йўналиши бўйича қатновчи йўловчи поездининг охирги иккита вагони темир йўл изидан чиқиб кетиб, станцияда турган, қарама-қарши томонга йўналиши керак бўлган бошқа поезднинг локомотиви ва биринчи вагонларига урилди.

Ҳаммаси бўлиб иккала поездда 200 га яқин одам бўлган.

Жароҳат олганларга ёрдам бериш учун учта вертолёт ва бир нечта “тиббий ёрдам” автомобиллари келтирилган.

Темир йўлчилар йўлларни тартибга солмоқдалар. Поездлар қатнови икки йўналиш бўйича тахминан яримкечга беркитилади.