Ўзбекистон Республикаси мустақиллигининг 24 йиллиги муносабати билан янги тезюрар поезд маршрути ишга туширилади. Бу ҳақда «Ўзтемирйўлйўловчи» АЖ Самарқанд вилояти бўлими бошлиғи Сергей Дадаев «Самаркандский Вестник» нашрига маълум қилган.

«Аҳоли эҳтиёжлари ва мавжуд транспортлар ўртасидаги мувозанатни сақлаб туриш учун Afrosiyob тезюрар поезди кунига икки маҳаладан ҳаракат қилмоқда. Мустақиллигимизнинг 24 йиллигига янги тезюрар маршрут ишга туширилиши режалаштирилган», дейди Дадаев.

Дадаевнинг сўзларига кўра, жорий йилнинг ўтган етти ойи давомида корхонанинг Самарқанд филиали 332 651 нафар йўловчининг ўз манзилига етиб боришини таъминлаган.

«Ҳозирда «Самарқанд» вокзали юртимизнинг барча ҳудудлари йўналиши бўйича транзит вазифасини бажариб келмоқда. 2016 йилда мустақиллик байрами арафасида бу йўналишларга Фарғона вилояти ҳам қўшилади», дея таъкидлаб ўтди «Ўзтемирйўлйўловчи»нинг Самарқанд бўлими бошлиғи.