Россия президенти Владимир Путин Москвадаги Халқ хўжалиги ютуқлари кўргазмасида очилган океанография ва денгиз биологияси маркази “Москвариум”нинг очилишида иштирок этди. Путинга пираняларга овқат бериш жараёни намойиш қилинди. Жанубий Америка йиртқич балиқлари Путинда катта қизиқиш уйғотди. Россия раҳбари, шунингдек, нерпаларнинг ҳам (тюленлар оиласига мансуб сутэмизувчи ҳайвон) овқатланиши жараёнини томоша қилди. Путинга Москва мэри Сергей Собянин ҳамроҳлик қилди

Путин 80та резервуардан ташкил топган катта экспрозициянинг қолган қисмларини ҳам айланиб чиқди. Бу ерда тропик флора ва фауна, Гренландия ва Камчатка шимолий денгизларида яшовчи жами 350дан ортиқ турдаги сув ҳайвонлари намойиш қилинган.
“Москвариум”да косатка, дельфин, белуга ва ламантин каби йирик денгиз жонзотлари ҳам бор.
“Москвариум” денгиз ва океанлардан олисда жойлашган Европадаги энг йирик океанариум бўлиб, шу каби марказлар каби шаффоф деворлар билан қопланган туннел кўринишида қурилган.
Океанариум 5 августдан бошлаб ташрифлар учун очиқ бўлади.