"Темир одам" фильмлари юлдузи Роберт Дауни-кичкина яна бир бор Forbes рўйхатини бошқармоқда.

У 2014 йилнинг июнь ойидан 2015 йилнинг июнигача 80 млн доллар атрофида пул ишлаб топган. Унинг бу кўрсаткичига "Қасоскор: Альтрон эраси" фильмидаги иштироки сабаб бўлди.

Энг кўп ҳақ тўланадиган актёрлар рўйхатида иккинчи ўринни хитойлик актёр ва жанг санъатлари устаси Жеки Чан эгаллаган. У ўтган 1 йил давомида 59 млн доллар ишлаб олган.

"Форсаж" франшизасидаги асосий ижрочилардан бири Вин Дизель эса охирги 1 йил давомида 47 млн доллар гонорар олиш орқали ушбу рўйхатнинг учинчи поғонасида қайд этилган.

Бу рўйхатнинг ўнлигида Адам Сандлер, Бредли Купер ва Том Круз каби номларни ҳам кўриш мумкин.

Маълумот учун, ўтган йилги рўйхатда Леонардо ди Каприо етакчилик қилганди.