Аргентина терма жамоаси бош мураббийи Херардо Мартино Лионель Месси ўзига билдирилаётган эътирозлар туфайли терма жамоадаги фаолиятини якунлашга тўла ҳақли экани ҳақида айтиб ўтди.

"Мессининг Аргентина терма жамоаси сафида ўртоқлик учрашувларида ўйнамаслиги ҳақида менга ҳеч ким кўрсатма бермади. Унинг ўзи ҳам, федерация раҳбари ҳам бу ҳақида менга индамаган.
Унинг терма жамоа сафидан кетишини истаб, танқид қилувчиларни футболни тушунмайдиганлар тоифаси деб биламан.
Месси терма жамоадан кетиши ҳақидаги миш-мишлардан хафа бўламан. Лекин буни тўғри тушуниш керак. Агар мен Мессининг ўрнида бўлганимда, бундай муносабат туфайли аллақачон терма жамоа учун ўйнашни бас қилган бўлардим", дейди Мартино Fox Sports нашрига берган интервьюсида.