Тошкент шаҳар ҳокимининг 5 августдаги фармони билан Мустақиллик кунига бағишланган халқ сайллари ва байрам тантаналари ўтказиладиган жойлар белгилаб берилди.
Шаҳар ҳокимлигининг ахборот хизмати тарқатган маълумотга кўра, сайллар 1 сентябрь куни соат 11:00дан 18:00гача 7та боғда ўтказилади:

  • Алишер Навоий номидаги Ўзбекистон миллий боғи;
  • Ғафур Ғулом боғи;
  • Мирзо Улуғбек боғи;
  • Бобур боғи;
  • Фурқат боғи;
  • “Локомотив” боғи;
  • “Қуёшча нури” боғи.

Бундан ташқари, байрам мудофаа вазирлиги маънавият ва маърифат маркази, давлат цирки ва Тошкент ҳайвонот боғи олдидаги майдонларда нишонланади.
Ҳужжат билан, шунингдек, август ва сентябр ойларида “Бетакроримсан, ягонасан, она ватаним – Ўзбекистон!” шиори остида ўтадиган ташкилий-амалий ва маданий-маърифий тадбирлар дастури тасдиқланди.