Amazon асосчиси ва бош директори Жефф Безос 3 кун ичида 531 млн доллар ишлади. Бу ҳақда Bloomberg агентлиги хабар бермоқда.
Айтилишича, Безос ўзига тегишли қимматбаҳо қоғозларнинг бир қисмини компания акциялар нархлари чўққига чиққан пайтда сотган. Акциялар нархи 529-539 долларни ташкил қилган. Савдолар август бошида бошланиб, бир ҳафта давом этди.

Компания бош директори ҳар йили ўз акцияларининг бир қисмини сотади. Аммо бу сафар у олган даромад рекорд натижани қайд қилди. Бу Amazon акцияларининг тез суръатлар билан ўсишига боғлиқ. Йил ўртасидан буён компания акциялари 73 фоизга қимматлашди.

Безос Forbes журнали томонидан эълон қилинган 2015 йилда IT соҳасининг энг бой одамлари рўйхатида 3-ўринни олди. Унинг 48 млрд долларлик капиталининг 90 фоизи Amazon акцияларидан иборат. Компания 2015 йил июлида кутилмаганда улкан ўсиш намойиш қилди, Безоснинг бойлиги йил бошидан буён 13 млрд долларга кўпайди. Ундан олдинги позициялар Билл Гейтс Oracle асосчиси Ларри Эллисонларга тегишли.