5 август оқшомида "Челси" ўз уйида "Фиорентина" жамоасига қарши Халқаро чемпионлар кубоги доирасидаги навбатдаги ўйинини ўтказди. Бу ўйин майдон эгаларининг 0:1 ҳисобидаги мағлубияти билан якунланди.

Ўйиндаги ягона гол меҳмонлар ҳимоячиси Гонсало родригес ҳисобига ёзилди.

Челси (Лондон, Англия) – Фиорентина (Флоренция, Италия) – 0:1
Гол: Гонсало Родригес, 34 (0:1).
Огоҳлантиришлар: Зума, 90+2; Матич, 90+3 – Ронкалья, 52; Хегази, 83; Хоакин Санчес, 90+3.

Қайд этиш жоизки, «Челси» ушбу турнир доирасида шу вақтгача 3та ўйин ўтказганди ва ҳеч бирида асосий вақтда ғалаба қозона олмаганди. Дастлаб «Нью-Йорк Ред Буллз» «Челси»ни — 4:2 ҳисобида мағлуб этган бўлса, «ПСЖ» ва «Барселона» га қарши ўйинларнинг асосий вақтида дуранг натижа қайд этилганди. Шунингдек, лондонликлар 2 август куни Англия Суперкубоги учун ўйинда "Арсенал"га мағлуб бўлишган (0:1).

«Фиорентина»нинг Халқаро чемпионлар кубоги доирасидаги ўйинлари: «ПСЖ» – «Фиорентина» — 4:2; «Бенфика» – «Фиорентина» — 0:0 (4:5); «Фиорентина» – «Барселона» — 2:1.